我想恒一所言並非事實. 首先, 我相信投搞到月台的人, 不能因此而帶來財富或利益, 這樣便不能吸引一些有水準的人去投搞, 這樣便不能收到有水準的作品. 來來去去都是那幾個人, 而且我相信那幾個人的作品質素, 也不會高到去那裡, 也是這個原因. 恒一說發掘新人, 敢問一句一個新人給你們發掘了, 又如何? 每個人的青春時間都有價, 用了精力和時間去做一件事, 便不能去做其他事, 這樣一句有才能的人, 怎會去花精神試圖去被你們發掘出來?
為什麼投搞到月台的人, 不能因此帶來財富或利益, 因為根本就沒有人欣賞, 恒一又說"有很多愛好文學", 很多人即係幾多人? 如果多人欣賞, 月台都賣斷巿. 點解無人欣賞, 又係老問題啦, 一係就係作者問題, 一係就係讀者問題, 通常都係讀者多於作者, 而現在香港文學界中人, 都堅持多數服從小數, 就洐生出以上無人睇, 作者少, 加上本人認為質素一般既問題.
loudloud之前又講過, 要搞嚴肅D既文學, 就要小圈子, 我覺得又係一個無法否定既假設. 首先又要講到點樣係嚴肅? 不過你地又唔想講架啦. 第二, 為何果個小圈子裡面既人既作品, 大部份或全部都係嚴肅? 第三, 為何大部份或接近全部既文學界人仕, 都係度辦嚴肅一點的文學? 嚴肅一點的文學真的這麼需要. 以上第二個, 第三個問題, 必須先解答第一個問題. 另外第四個問題, 就係嚴肅如果落左一個定義, 嚴肅又與大圈子的關係如何. 依D問題, 我覺得好重要, 但係依度既人我諗都唔多有興趣去諗, 但我仍希望有人去諗.
老實講, 一個有才能既人, 時間係珍貴, 如果一件事做出黎, 係無結果, 我相信唔會吸引到人去做. 由於依個理由, 人就會覺得, 一個人去做一D回報低既事, 都係無才能既人, 即使佢事實上係有才能.
如果再深入狠心D講, 月台裡面既編委, 都係唔會得到好既回報, 不論財富或者名譽, 所以編委都未必係有才能既人, 即使係有, 都會畀人覺得無. 而香港jupas年年招生, 修文學既都唔係最top既學生... 有時, 一個圈子既人, 係社會上是否被看重, 都好講佢地各方面既才能, 而唔係單一才能... 依句又唔知依度有無人睇得明, 我諗恒一可能會明. 如果文學界裡面既人, 成日都同現代社會唱反調, 或者好古貶今, 自然唔受大眾認同, 自己亦都唔會有好既發展.
其實之前係度討論左咁多, 我發現文學既問題, 最起碼分三種, 第一係文學界既結構問題, 第二係為何文學, 第三係如何文學. 但依家香港既文學界, 對以上三個文題, 都係一片混亂. 依三個問題一日得唔到一個理性既答案, 文學仍然都係社會既小眾.
[ 本帖最後由 詩風 於 2009-1-31 17:37 編輯 ] |