睇到個主題叫「仍可文學下去」,覺得幾......,係先生文中提到「搞純文學」尼個詞語,然後先生又話自己算係一個靠「純文學」維生既人,算我個人比較膚淺,所謂「純文學」所指跟先生說既靠「純文學」尼個意涵,究竟係咪一樣架?
老實講丫!我真係唔知文學係邊科,先生所講既「編文學副刊、文學雜誌、走文學講座、做詩作坊主持,無一不是文學工作。」尼D 真係就係文學本身(如果文學有本身),如果文學本身係有一種原性既,咁我地係咪一定要通過文學現象去將文學既原性表達出黎呢?會唔會尼種文學現象其實係度窄化緊文學既原性既呢?究竟我地既目的係想藉住文學現象去回歸文學原性,還是純粹滯留係文學現象去沾沾自喜,賴係有型有格就算呢?
有時我想問下 D 所謂文學工作者,文化人之類,究竟佢地有無表裡如一,內外一如架?究竟佢地擠身係文學尼個劃地為牢既圈子入面,想表示 D 乜野先,有乜野企圖先?唔通好似毓民話齋,越打壓越亢奮?如果一貫既所謂文學現象,已經不合潮流,無存在空間,為乜野我地重要死守住佢呢?唔通就因為一切既文字雛形,都係以詩歌形式表達出黎,所以我地就無視時代既變遷,日月既交替?
哎喲!忽然唔想寫落去,不過仍然要說既就係,「仍可文學下去」,令人感覺到好悽酸,好似有種夕陽無限好既味道。 |