[幽默短篇] 江湖怪客

李華川

幽默短篇



    江湖怪客           

李華川



前言

這個  幽默短篇  是為大家在緊張生活裡減減壓，

我將全篇用 廣東話 描寫，希望大家看完後不止

微笑，還要大笑狂笑 ! 這是一篇荒誕小說。



最近江湖出現一件怪事，一個武功高強嘅怪客四圍發帖，

話佢係正義俠客，專打惡霸同壞人，呢位俠客外號叫做

___潑墨山人，佢唔止輕功高氣功強，隱術快閃，同佢打過嘅人，

跟本埋唔到佢身，所以只有佢打人冇人打佢。

被潑墨山人打嘅人，係完全冇受傷，但個個變哂黑鬼，惹到成身

黑哂，點解 ?  因為潑墨山人嘅武器係毛筆同墨，被佢潑中啲人

真係好黑。



天網山莊是邪教重地，莊主夜郎是一大惡霸，壞事做盡，當然收到

潑墨山人嘅帖啦，講到明要嚟山莊踩埸，又話喺山莊寫個  醜  字，

夜郎當然唔被佢嚟搞搞震，即下令左右手 一枝竹 同 一枝花 阻止

潑墨山人。



夜郎收到消息， 潑墨山人喺附近森林出現，一枝竹一枝花兩人去到，

見到一個白髮老人正在一個墨池磨墨，想必是潑墨山人，佢地想活捉

潑墨山人，一枝花飛出一條繩飛到墨池上空，點知條繩反彈飛返轉頭，

搞到一枝花成面都係墨，一枝竹再飛出第二條繩，唔使講同一枝花相同

遭遇，潑墨山人再來一招大潑墨，嘩!呢招搞到一枝竹同一枝花唔止黑口

黑面，重成身黑哂，呢啲係乜嘢功夫?  人捉唔到，重搞到自己周身黑，

一枝花對一枝竹話 : 唔好同個傻佬玩，返去同莊主講.......................





天網山莊莊主 夜郎 看見兩個黑人走入主堂 大叫



夜郎   鬼呀



打手走哂出嚟 ,見到兩個由頭黑到落腳嘅人 ,全部圍哂上去



我地唔係鬼呀 ,我地係人嚟架 莊主



夜郎  望真啲問 ,係你地呀, 點解搞到成身黑哂



一枝花   我同一枝竹 去到森林 , 無端被一班衙差狂追   



一枝竹   我哋喺森林入面玩下班衙差  , 點知見到嗰個怪人磨緊墨



一枝花   嘩, 成桶墨潑過嚟, 我哋防不勝防 被佢潑到一口一面都係



夜郎   咁重唔快啲去沖涼



一枝花同一枝竹嗱嗱聲去沖涼, 隔咗一陣, 佢哋出番嚟



夜郎   你地沖完涼咩? 點解重係咁黑嘅? 落多啲皂液囉



一枝花   莊主, 我用哂成支皂液啦



一枝竹   我用咗兩支皂液都洗唔甩



夜郎   咁呀, 攞支 白威寶 試下 ,又可以攞支 青山綠水 試下



一枝花   白威寶 得唔得架



夜郎   不如攞支 漂白水 試下, 可以加啲 強力去污粉 咪得囉



一枝竹   莊主, 如果漂白水都唔得呢



夜郎   用天拿水啦, 實得架



一枝花 同 一枝竹 唯有再去沖涼 ,兩人喺沖涼房沖咗兩三個鐘



夜郎   你哋沖完涼咩? 點解重係咁黑嘅



一枝竹   算啦, 我擦到皮都甩啦



一枝花   嗰個死人怪人 畀我見到實報潑墨之仇



一枝竹   嗰個怪人都係揸住支毛筆 閃嚟閃去 成個隱者咁 ,睇唔清楚



佢係咩人



夜郎   有咁嘅奇人? 等我派人去偵查下呢個人咩來頭先



點知夜郎派去啲人個個返嚟都係口黑面黑,夜郎冇哂計,唯有

重兵緊守山莊



之後過咗二十日 ,一枝花 同 一枝竹 身上啲墨自動甩哂



夜郎為之吹漲!!!



                                                       (完)

淺笑剛好，大笑就不足了。
而且也許是看不慣廣東話，讀起來比較難理解。
桃花間竹、夜郎自大……讓人想起很多成語，想必是用心良苦。

不過，不知道是否故意，但我猜你想寫的是「忍者」而非「隱者」，畢竟這兩種人雖然名字讀音相似，但性質極不相同。
不知道是否故意做的歧義。

回覆 伊君 的文章

不要計較它淺笑還是微笑,大笑或狂笑，總之大家開心就可以。
我刻意用廣東話寫，其實是一種日常生活的口語，如 [ 你吃了
飯沒有?]  廣東話寫成 [ 你食咗飯未? ]  又怎覺得難讀難理解呢？
就當平時好似講說話就得啦!

關於 [隱者]  ，是代表了中國文人俠客的意義，我用 隱字，
是用對了，中國的隱士，一方面可以說文人,畫家，也可以寫武林
俠客隱居山林的人物，這些一般都是高人。

你所提到的 [忍者] ，一般泛指日本的殺手(黑衣人)，中國的文林
和武林，很少用[忍者]這種稱法。

謝謝你的意見，謝謝!

有一些點，能會心一笑

大概我們的年代文化落差做成，不少位置我跟不上，未能笑