我想輕鬆一下

sam

很久沒來，不如就開題輕鬆一下，跟大家吹吹水。
近來打開公仔箱，必然會見到兩件物體，而家唔使話認住尼隻鷹啦！
雙英戰女獅，兩男一女得個「男女男」字，日日走出黎做連續劇，晚晚開飯陪大家夾送。
衰在尼兩件野，睇到都唔開胃，一個開口合著利如傻仔，一個奸人堅再世，喂！關德興去左邊呀？
再係日日比尼兩隻野篤眼篤鼻，香港人遲早發晒癲，你睇一丫，而家日日都有大鑊野爆架！你話無關都無人信啦！
事旦一個上場，2012 / 12/ 21 ，世界唔末日，香港都玩完啦！

回覆 sam 的文章

睇到都幾搞笑，我只係寫左兩貼，竟然榜上有名，榮獲本月會員排行榜第十名，福布斯榜就話o者！
一個文學論壇，而家搞搞下變左個雜架灘，你睇下丫！乜鬼都有，就黎股票樓市都有架喇！

回覆 sam 的文章


大哥大;

您咁玩就快連草蘆都無喇. . .

回覆 sam 的文章



佢地都係做 SO~ 只是太 SO  ^^ 人人 都覺得佢地 SO SO SO 演技.

但9:30呀余個角式重嘔, 果套連我家大少都話選角太老, 另一個又老又扮天珍活潑喎. ^^

真係想俾咩人,和咩年紀睇架?

今晚諗住同個網友慶祝，一齊食飯，先頭都有十個人報名，點知臨集合，尼個又話唔得閒，果個又話有事，結果剩低既只有五條麻甩佬，其中有一個重話要隨後就到，得四丁友，都唔知食乜好，好求其之下貪唔使等位，於是去左官塘工廠區既新花園餐廳，一人嗌個扒餐，咁就係幫人慶祝生日，我咁大個仔都係第一次咁搞笑。
食完八點幾果個話隨後就到既先至俾電話黎，咁我地食完廢事霸住張檯，唯有埋單去老麥打躉，等埋隨後就到既網友黎，尼位隨後就到既網友，同另外既網友之前都係未見過面，於是第一次見面，互相寒喧幾句，大家就扮熟絡繼續吹水，我真係唔知而家既社交活動入面，由虛擬真實交互活動有幾多比率呢？我個人而家既比率係不斷攀升既！係十次社交活動入面，跟網友見面而家係超過五成既，我意識到尼個情況十分驚訝！究竟尼個普遍性有幾高呢？真係要搵個機會探討下。

回覆 sam 的文章

係咪呢,
上次男又挑,女又揀,呢個多情,果個含情默默...
今次唔夠人喇,又唔請埋我?等我去鄧吓腳,散梗D負能量,您地就平安大吉,身體健康,工作順利,財源滾滾....^^~

回覆 KEZIAH 的文章

我去鄧吓腳,散 梗D負能量,您
地就平安大吉, 身體健康,工作
順利,財源滾滾 //

大小姐
你咁講係咪暗示
你唔黎我地負能量超濃縮呀
唔怪得你成日得罪人都唔知啦！

回覆 sam 的文章


大小姐
你咁講係咪暗示
你唔黎我地負能量超濃縮呀
唔怪得你成日得罪人都唔知啦！//

親愛的 Sam:
唔係呀大佬,您地咁正氣,又靚佬,無負能量呀!!!
我知您一定唔會咁諗既~~~
不如睇真d喇!!!
散梗D負離子能量,您地就平安大吉,身體健康,工作順利,財源滾滾....^^~
http://zh.wikipedia.org/wiki/%E8%B2%A0%E9%9B%A2%E5%AD%90_(%E6%B5%81%E8%A1%8C%E8%AA%9E)

不過好似您都一樣激親人都唔知嫁喎. 咭咭咭咭~~~~

回覆 KEZIAH 的文章

諗住周星星今日企出黎
一定會以佢一向搞笑本色
去推介尼件明日之英
點鬼知佢一本正經
全無買點既
我硬係覺得好無厘頭
不過都o岩既
大家都係做場大戲o者
希望尼兩件唔係好似柏芝
做左票房毒藥就得勒

諗住周星星今日企出黎
一定會以佢一向搞笑本色
去推介尼件明日之英
點鬼知佢一本正經
全無買點既
我硬係覺得好無厘頭//

唔係bor  佢話唔識呀梁生喎, 攪左笑喇.  ^^

回覆 KEZIAH 的文章

自從周星星說完他撐唐老鴨的廢 up 後
得出來的後果是
我以後都不看他的電影
本來他差不多是唯一我願意拿錢進戲院看港產片的人
但他今次的行為
正正是把戲院大門關上了
以前有人說無厘頭是反智
今天看來也不無道理

今日想話輕鬆下
點知起身聽到花園街火燭
而家死左八個
尼單都算係今年香港既勁野
我懷疑會唔會係雙英惹既禍呢
自從尼兩條友宣布正式參選後
四圍落區
周處惹火
那
而家真係爆鑊勁既
禽晚預警女人街爆石油氣樽
跟住黎單勁野
好心雙英為市民福祉著想
自動收工啦
橫掂都係小圈子黑箱作業架啦
唔使同我地交代架
咪日日係公仔箱面前扮晒野啦
好核突呀

果日食飯有人問起
佢話點解彈音樂
D 人多數都係學大師既作品
貝多芬、簫邦、馬勒
多數表演比賽
都係彈尼類作品
而繪畫寫詩
又唔會淨係去臨摹
成日都要有自己創作先得
視就算你臨摹得幾神似
最多都算係A貨
點解彈貝多芬樂章
彈得好又唔係A貨呢？
大家對尼方面有乜見解呀？

果晚有朋友對音樂同繪畫既差異作出左唔同既回應
有人認為畫係用眼睇既
而音樂係用耳聽既
所以會產生以上差異
但用乜野感官同產生差異有乜野關係呢？
我真係睇唔到喎
亦有人認為畫像只要一眼就睇晒
而音樂係有時間性既
有時一首樂章
需要彈奏成個鐘頭
所以因為時間性既問題
道致音樂傾向演譯舊曲
而繪畫傾向重新創作
大家認為點樣呢？
定有新既睇法呢？

今朝幫公司出老尖收數
出到去睇下個錶
重未夠鐘
轉入去翠華早一早佢
一入去
哇！十點幾個場都爆晒棚
則則耳聽聽
原來多數都係大陸口音
祖國同胞
坐低嗌左個早餐 A
諗住耐極都有限
點知足足等左三個字
連杯野都未見影
乜野世界呀
等到無晒心情 D 野就到勒
那那林食完埋單
拎個銀包出黎一睇
PK大隻鑊
銀包乾左塘
一睇
原來可以咇一咇搞掂既
嚇得我丫
爭 D 要洗碗添
收完條數
今朝既任務又完成晒
百無聊賴
地鐵o岩o岩黎到深水步
不如上黃金耕一耕先
上到去一睇
十一點重未開檔
點搞架
想話行去鴨寮行打個轉
不過都係費事啦
想話搵個 fan(叫鴨記)去維記食碗豬潤米
但o岩o岩先食完翠華無耐
唉！一場黎到求其行個運算啦
走人
落番地鐵站
點知就係樓梯撞到個傻佬
同個女人一齊搬住一大車野落緊樓梯
則面一睇有幾分面倩
哦！原來係網友康慈
講開尼條友厲害囉
佢自十年前已經係一個創業王
到今時今日都重係講緊佢果套創業大計
佢話尼鋪真係俾最低工資累死
佢講到歐美破產就係因為有最低工資
香港經濟衰退就係因為有最低工資
民主黨今次區選落敗
就係因為贊成最低工資
2012/12/21 都係因為最低工資
大佬
好似講到最低工資係萬惡不赦咁
十足係千古罪人啦
大家又對最低工資點睇呢？

昨天網友送來一部壞電腦
著我趕緊的把它修理好
看她焦急的樣子
就感覺到現代人的世界
已經有質的改變
新世代的 e 人類
不論你是不是宅男宅女
你必定有一部份的時間
跟虛擬網路扯上關係
會跟你的情感愛恨發生痴纏
讓大家都難捨難離
就算離開一刻
都有依依不捨的感覺
好像網空就是我們的愛人
我們正在跟它談戀愛
今天她的愛人病了
唯有促促的找我這個黃綠醫生
幫她的愛人治理。

妙啊 :p

霧時雨 發表於 2011-12-3 12:00
妙啊 :p

有言
妙不可言
兄 留下片言隻字
看來不大妙呀

成日聽人講做香港既女人真幸福
但今時今日咁多剩女
係幸福定唔係幸福呢
咁就好難講勒
係我黎講
女人選擇單身
都好過搵 D 壞鬼麻甩佬
今日睇到兩單新聞
一單係阿富汗
有條麻甩佬強姦左個女人
重要比人告通姦
左審右判結果要坐三碌
出番黎為左可以抬起頭做人
消除番少少恥辱
竟然要嫁番比個強姦佢既人渣
大佬
尼個乜野世界呀
另一單發生係我地偉大勃起既祖國
陝西省略陽縣有幾條鎮官
走去輪姦左個 12 歲少女
結果只係要嫖宿罪名扣查
提出唔係輪姦既理由
竟然係六個人用左兩日既時間去強姦少女
因為用左兩日
只能算係分段性
唔算接連性
哇！咁都得
強國勃起
你點講都得架啦
今時今日既香港女性
可以有得來不易既地位
真係除左要珍惜之外
重要捰多 D 勇氣同時間
為 D 重係水深火熱既姊妹發下聲呀

尼個月中
安排左過台灣一轉
先飛過高雄
跟以前的網有見面
住一個晚上
然後上台中
又是跟網友見面
特別的是有一個馬來西亞的網友
也飛到那邊
跟我一起見面
然後第二天趕上台北
節目仍是跟網友見面
就是用接連不斷的見面聊天飯局
來完成我四天的旅程
然後從台北回港
最搞笑的是
我是不懂說國語的
但卻要連續的聊天四日
天呀
為何手機還未有即時的語音翻譯軟件呢？

早兩日講緊音樂演譯同畫像創作
點解會有咁大差異
我直覺覺得音同像係有本質上既差別既
像係有實質既呈現
好似一幅畫咁
畫左出黎
今日睇又得
聽日睇又得
總之擺係度
點都走唔甩
但音樂就唔同
作左個樂譜出黎
你睇個譜係無乜意思既
一定要搵人專登將佢演奏出黎
所以尼個係「音」同「像」係本質上既不同
重有既係
音樂既生命係過程入面
而畫像既靈魂係結果度
好少人睇畫既目的係去睇畫家既創作過程既
D 人都係想睇幅畫畫左出黎個結果
但音樂就唔同
無人會係彈完首曲先入場既
所以尼個係表現上唔同
亦係人係喜好上既唔同
而最重要既係
音樂既演奏係一種即時性的高技巧表現
演奏過程的評審標準係基於演奏者有沒有完美的演譯
不同於作畫
在過程中是可以慢慢修正
大不了畫壞了
再重新畫一張
但音樂演奏就不同
他的要求是將一首高難度卻悅耳的樂章
即場演奏出來
過程不容一絲差錯
所以音樂用樂章去凌駕人
而作畫卻是由人去駕馭畫象
我想「音」與「像」表達既差異
就係我以上所講既原因勒！

今朝一早約左幾個 fan 卜上深圳
之前幾次都係搭火車經羅湖上去
計下條數都幾重皮
今日轉軑經落馬洲既福田口岸過境
真係可以慳番好多錢
過左境搞完上去想搞既野之後
一行人過左去福田既時代廣場上面既酒樓醫肚
食落 D 野同香港酒樓既水準都差唔多
不過唔知係咪地溝油煮既o者
所以越食個心就越唔舒服
食胞之後就搭地鐵去華強北路
諗住睇下 D 二手電腦零件
執番幾件黎砌下機
不過結果都係空手而回
行左去 Starbucks 嘆下咖啡
幾條友吹水吹到個太陽都收皮
睇下個鐘成六點
那那林過番關去捰車
踩行油又飛番入將軍澳
求其搵間酒樓開餐
就新都城稻香啦
坐低又火碢
食到成十一點幾
老婆番到黎上一上磅
比今朝出去既體重
竟然重在五磅
香港人食尼樣野真係唔講得少
總之踫埋頭就係飲飲食食
而家周街最多既舖頭
就係食館
香港人唔認飲食男女都唔得啦

陽光斜斜的跑進來

玻璃窗拒絕了寒風的探訪

鍵盤令我手忙腳亂

幸好溫暖的咖啡

伸出香滑的手

跟我談戀愛

之前幾次都係搭火車經羅湖上去
計下條數都幾重皮
今日轉軑經落馬洲既福田口岸過境
真係可以慳番好多錢

唔明, 落馬洲過關,條數點計會平D?

回覆 魚眼 的文章

條數好易計
我地一行五人
如果經羅湖過
拍部車係上水
一日要八十塊錢
然後火車一人十九個幾
咁車費加埋成兩百
而家經落馬洲
車場費四兜
然後的過福田口岸
十六個幾
成日計埋都唔使六兜
你話係咪著數呀