黐線武俠小說(卷六)

李華川

黐線武俠小說





李華川




  卷六       共赴巫山看雲雨



  


山前係山   山後係山   一片綠野   樹木叢叢

天際白雲飄   山中眾鳥啼

藍天下   有萬綠叢   白雲過處   有微風

徹風過處  乍聽小橋流水聲

深山綠樹密   乍聽有人聲   

有王維詩句「空山不見人   但聞人語響」嘅境界



一街坊話   海兄   你描述呢個山景好靚噃

海無涯正喺度陶醉緊   根本聽唔到個街坊嘅話

海無涯繼續講番個山中故事



文林怪客拖住一位姑娘嘅手   呢位姑娘就係巫芬芳

巫芬芳穿著一套桃色嘅衣裙   一把深黑色嘅長髪上綑出十幾

條小辮   臉泛紅暈   一對眼睛好似明媚嘅月光

整個人就好似一朵桃花咁嬌咁美   二十出頭嘅姑娘   就將

文林怪客迷到連自己姓乜都唔知   不過佢地感情好好

巫芬芳對文林怪客愛得好投入   



文林怪客同巫芬芳手挽手喺山林入邊散步   兩個人好開心

巫芬芳問文林怪客    怪客哥   你重記唔記得我地點認識架

文林怪客話    梗係記得啦

巫芬芳    講畀我聽好唔好

文林怪客    嘩   講咗好多次囉噃

巫芬芳     我想再聽多一次   好唔好啫

佢地點認識呢個故事   文林怪客已經講咗十幾次畀巫芬芳聽

文林怪客總係唔明   點解巫芬芳咁鍾意聽   冇法啦   愛侶叫到

唯有再講啦



記得嗰日   我一個人嚟到無名山腳    聽到有個姑娘叫救命   見到有

兩個山賊追住個姑娘   我即刻飛埋去擋住個兩個山賊    其中一個山賊

問我知唔知佢地係邊個    我梗係話唔知啦   個山賊話佢地就係江湖人稱

嘅 無名雙俠  吳三  同  吳四  嘞

文林怪客聽到大笑起嚟   咩無名雙俠   未聽過噃   

吳三話   睇你都唔係江湖中人   成個書生咁   唔識功夫學人英雄救美

文林怪客話   係呀   我唔識功夫架

吳三吳四聽到文林怪客話唔識功夫   大喜   好   等我地兄弟嚟教訓你至得

話未講完拔刀飛奔過去   但係已經發覺佢地兩個人唔見咗   吳三吳四左望右望

前望後望   都唔見佢地   忽然聽上面有笑聲   哦   原來文林怪客抱實個姑娘

向上飛緊    吳三話   又話唔識功夫

文林怪客話   我真係唔識功夫架   但我冇話唔識輕功噃

吳三吳四被文林怪客吹漲   但自己又唔識輕功   冇計   唯有等佢地落嚟



文林怪客抱實個姑娘飛緊上樹頂   飛呀飛   問姑娘叫咩名   巫芬芳   

巫芬芳個面幾乎貼近文林怪客個面   兩個人嘅視線拉得好近   兩個人都好陶醉

咁互相對望   文林怪客好似觸電咁   不由自主嘅嘴唇向巫芬芳嘅嘴唇移過去

巫芬芳雖然有啲羞怯   但好快將兩片紅唇貼過去   對文林怪客深情一吻   深深咁

吻   就係呢一剎間嘅熱吻   就令到巫芬芳回味無窮   唔怪得巫芬芳成日要文林

怪客講番佢地點認識嘅古仔啦   

兩人一路吻一路慢慢飛上樹頂

下邊嘅吳三同吳四睇見都眼火爆   奈何   睇住文林怪客巫芬芳飛到上樹頂

又等半日佢地都唔落嚟   唯有走人   吳三對文林怪客話   今次我放過你地

下次被我見到就冇咁好彩啦   講完就同吳四無奈咁走咗去

文林怪客同巫芬芳都笑起嚟



文林怪客同巫芬芳笑起嚟   兩個人手挽手喺山林小徑一邊走一邊笑   突然

文林怪客話   藍宇天客知道佢喺呢度   會成日走上嚟搵佢    不如行開一陣

去第二度行下好唔好   巫芬芳問   咁去邊度    文林怪客想下想下   呀   不如

我地去五里外嗰個  巫山  玩下囉   巫芬芳問   巫山有乜嘢好玩   文林怪客話

巫山嘅雲同雨都好靚   

於是   文林怪客同巫芬芳決定  共赴巫山看雲雨  去了

                                                                                                ﹝ 待續﹞