黐線武俠小說(卷十一)

李華川

黐線武俠小說



李華川



卷十一                測字先生露玄機   




     嗰兩個江湖初哥看到周身刀嘅絕技   偑服到五體投地   話要跟周身刀

學嘢   拜周身刀做師傅咁話喎   周身刀聽到梗係開心啦   

      周身刀同佢兩個講   收你地做徒弟唔係唔得   不過唔係依家   係第二

時   首先要考驗下你地

      點考驗法呀

      周身刀話    你地去買兩把未開鋒嘅柴刀    去泰山斬四百担柴    兩個月後

泰山山腳等我

      點解要去泰山

      周身刀話    因為佢要去泰山論刀    去演講呀   明未

      嘩   人地去華山論劍    你去泰山論刀    有意思   有意思

      周身刀攞咗一張 咭片 出嚟畀兩個江湖初哥   話有事搵佢

       兩個人一睇

       嘩   你冇留鬚嗰時好靚仔好型仔呀    你好勁呀   文武雙全   

       周身刀話   去泰山要大半個月   咁你地重唔出發   趕得切斬柴咩

        兩個江湖初哥唯有食完飯即刻起程



       中秋節晚大家食完飯   周身刀提出要去無名村睇下劍王同劍聖打成點

人人都同意    順便趁下墟   賞下月



        劍王同劍聖食完飯   繼續紮馬擺番個決鬥姿勢



        文林怪客夫婦   藍宇天客   算日先生   李白   同周身刀等人嚟到無名村

山坡下   見到劍王同劍聖好似化石咁企喺度    冇哂符   唯有行下墟市

       墟市好熱鬧   佢地班人   行下   食下   睇下  好開心    行到測字先生嘅檔

口  周身刀提意玩下測字    大家停哂喺度   周身刀話   不如測下劍王同劍聖

幾時決鬥重好啦    嘩   人人都無意見   



        測字先生請佢地 寫一個字出嚟   周身刀請藍宇天客寫一個字   藍宇天

客毫不猶疑隨手寫咗一個  武   字   問測字先生   劍王劍聖呢場決鬥打唔打

得成  

       測字先生一睇    即刻話   劍王劍聖打唔成   

       個個望住測字先生   好似等緊答案咁

       測字先生話   呢個  武  字係由 止 字同  戈  字組成    止    戈  即係停止決

鬥    咁你地話打唔打得成呢

       周身刀想咗一陣又同樣寫個   武  字

       測字先生話   打得成   依家打緊啦

        人人都望住劍王同劍聖   

        周身刀話   佢地冇打噃

        測字先生話   山坡上佢地冇打啫   山坡下有兩個人打緊噃

        大家唔明

        測字先生話   兩位雖然都係寫同一個字   第一位係隨意寫   問兩劍打

唔打得成    而第二位係有心寫   但冇問邊個打唔打得成   分別就係喺呢度

      大家聽完真係對測字先生寫個  服  字



         究竟測字先生測得準唔準    睇落去就知

                                                                                        ﹝待續﹞