因為jack既回覆,將依個post推左上黎,先有機會睇到tim
btw,文學唔係藝術既一項,真係荒天下之大謬的說法,虧政府既官講得出
中化科唔係要學「禮樂一體,詩畫同源」既咩?做乜移家「畫」、「禮」、「樂」都係藝術,而「詩」(文學)反而唔係?咩叫做「多媒體藝術更與文學表達愈走愈遠」,多媒體就等於淨係得聲同畫?
睇下北京798藝術區,有菊香书屋798艺术空间、墙艺术空间、东八时区书吧、罐子书屋等太量藝術同文學交流既空間,香港既西九呢?竟然係香港政治經濟文化學會有限公司、澳門的「威尼斯人」同鯉魚門街坊福利會!
香港政府淨係識睇有乜成果,所以上街示威、寫意見、寫文章的作用大概不大,要是有個香港人拿了諾貝爾文學獎之後講一下,效果就大好多倍。睇下香港既足運起東亞前後既比較,睇下歲月神偷得獎後永利街的結局,再睇下高錕拎左諾貝爾獎之後政府對科研既資助。我就明白到起香港要拎政府既資助,除非我地有人拎左個大獎啦... |