黐線武俠小說(卷九)

李華川

黐線武俠小說



李華川



  卷九                兩劍村民迎中秋




    中秋快到   無名鎮已有中秋氣氛   一間客棧   更熱鬧   因為劍王同劍聖

決鬥嘅消息傳開去   成個江湖都知   啲人嚟到無名鎮   都係嚟呢間獨一無

二嘅 一間客棧     老闆算日先生見生意大增   梗係開心啦

      五湖四海啲人嚟到  食同住都喺客棧   目的就係嚟睇兩劍決鬥   咁啱又

係中秋節   使到無名鎮無名村更熱鬧

       年年中秋   江湖三飛   即係文林怪客   藍宇天客 同埋 算日先生   因三

人輕功超卓   名行江湖   所以被稱江湖三飛   三個老友到中秋例嚟一間客

棧過節   但係今年多咗兩個人   就係劍仙詩人李白   同埋文林怪客個老婆   

  文林怪客同巫芬芳靜靜雞去咗巫山    冇人知   搞到佢老婆日日搵老公   李白   

  算日先生 同藍宇天客冇哂符   文林怪客同巫芬芳幽會   只有藍宇天客知道   

藍宇天客話出去搵文林怪客   一支箭飛出客棧   向無名山頂飛去   喺山頂一

間屋停低   唔見文林怪客同巫芬芳   問屋前一位老伯   話佢地出去行下   兩日

冇番嚟啦   藍宇天客激到紮紮跳   唯有飛番去客棧向阿嫂話搵唔到   算日先生

話唔使擔心   文林怪客一定喺中秋節返嚟   重有三日係迎月   真係心急死人



      講到算日先生呢間客棧   早已出哂名   中秋節梗係唔少得賣月餅啦    原來

啲月餅係由大師傅 阿茂 造嘅    年年中秋   客棧門外就掛個大招牌   上面寫

阿茂整餅  馳名於世   八個大字金漆招牌   醒   到呢個時候   阿茂

會出嚟示範整餅   搞到 一間客棧 更加熱鬧    所以   阿茂整嘅餅   係貴得有道

理   你睇   依家門口又排哂長龍   哈哈   阿茂整餅   係得嘅   



      講番無名村山坡上   劍王一陣風同劍聖一陣雨   兩人重擺住個決鬥姿勢

兩三日唔通冇食嘢   梗唔係啦   啲村民  同賣食物嘅小販會畀嘢佢兩個食   食

完再打咁話喎   



     中秋節快到   個墟市張燈結綵   好熱鬧呀    有啲村民重送阿茂整嘅月餅

畀劍王同劍聖食    大家過中秋   樂也融融



       去巫山玩嘅文林怪客同巫芬芳   也正趕緊番嚟   因巫芬芳要番無名山同家

人過節



        有一個怪人   成身掛住好多刀    嚟到無名鎮   向 一間客棧  行過去    哦

原來佢就係名震江湖嘅  周身刀 大俠嘞

                                                                                                         ﹝待續﹞