黐線武俠小說(卷十)

李華川

黐線武俠小說



李華川



  卷十          周身刀客棧演刀



     周身刀嘅形象好特別　有啲似水滸傳嗰個李逵咁　件衫有好多袋　放

好多刀　大大小小　長長短短嘅刀都有　奇就奇在把把刀都未開鋒　所以

江湖中人都笑佢周身刀冇把利　但係　唔好話周身刀嘅刀唔利　落喺佢手

上嘅刀　一樣係一件出色嘅武器　周身刀係一個大俠　專打惡霸　為人行

俠仗義　名震江湖　當然   文林怪客　藍宇天客　算日先生同李白都識佢　



　　周身刀 嚟到一間客棧 門口   見到阿茂整餅   心想 今次有口福啦   食到

阿茂整嘅月餅    於是走入客棧    算日先生見到   大喜     

        哦！原來係周大俠大駕光臨    裡面請坐

         周身刀 唔客氣咁話   攞個阿茂月餅嚟食下   算日先生叫伙記攞咗兩個

月餅嚟   

         嘩！算日老兄咁客氣呀   

        唔使客氣    周大俠慢用啦   失陪啦   我要招呼客人

         

        周身刀坐喺一角食月餅    佢雖然名震江湖   行走慣江湖   好多人都識佢

但初出江湖啲人就唔識佢啦   於是   就發生咗以下嘅情節啦



         兩個江湖初哥   見到周身刀成身係刀   忍唔住同周身刀嗲幾句

         其中一個問   呢位兄台   你賣刀嘅咩

          周身刀唔理佢

           另一個問    你耍雜技架   係咪

           周身刀唔理佢

            嘩！睇你成身係刀   張張刀都未開鋒有咩用

            另一個話   睇佢扮到成個大俠咁   睇得唔打得啩

            呢兩個衰多口   激起周身刀把火

            周身刀話   你哋係咪想睇下我啲刀得唔得呀

             一個話   你啲刀唔利   都斬唔死人啦

             周身刀話   咁試下啦   你伸個頭出嚟畀我試刀啦

             唔得   容乜易搞出人命   唔得

            另一個話   不如請兄台露兩手   畀大家見識下   

            周身刀話   咁講嘢就似樣啲   好啦   大家睇住

              

             周身刀攞出兩把小刀   用右手四隻手指夾住   轉動雙手   由慢至快

  快   快   快   最後轉到好似風車咁快   只見佢雙手璇轉   打圈   個人就坐得

定定   片刻    周身刀突然雙手停咗   攞其中一個月餅食

        成個客棧啲人睇到眼定定    個個呆哂咁  

         一個人話   冇嘢睇嘅

         周身刀指指上面   嘩！有一把小刀垂直咁飛緊落嚟   啱啱插正一個月

餅中心    人人都拍手掌   

          其中一個話   重有一把小刀去咗邊

           周身刀指指屋頂檐樑    睇到其中一個人頂冠帽喺上面   其中一個人

嚇咗一跳   佢幾時挑起我頂冠帽架    喺咁高   攞唔到    嗰個人想抽起插住月

餅把小刀    點知抽唔出嚟   佢望下   原來把刀連個碟都插穿埋   插實張木枱

插得好深   兩個衰多口嘅人先知周身刀係高手   

         原來係高手嚟    我地好偑服你   不過   請兄台同我攞番頂冠帽落嚟先啦

我地頭先有眼不識泰山   冒犯咗大俠   唔好意思

         周身刀見佢兩個都有啲誠意   就話   好啦    周身刀正想輕功上去取刀

發現把刀唔見咗    但又見到有一個白影飛緊落嚟    哦   原來係劍仙李白

        李白大笑     哈哈哈   周大俠何必同啲後輩計較   

        李白把小刀還番畀周身刀   也把冠帽還畀嗰個人

        藍宇天客話   周大俠嘅刀法果然出神入化

        算日先生走過嚟話   難得幾位大俠喺度   佢突然屈指算一算   笑住話

重有一個人嚟緊

        個個人眼定定望住個大門口   等咗一陣   冇哂動靜

         周身刀問    人呢

          人咪喺呢度  

          個個望番轉頭

           吓   文林怪客   你幾時入咗嚟

          識輕功邊度入嚟都得啦   文林怪客笑住話

          算日先生話    好   好    今年中秋節人人都到咗    今晚請大家食餐勁嘅

           算日先生立即叫伙記請文林怪客個老婆落嚟食飯過節

           李白話   將進酒   杯莫停    大家飲番杯    醉醉醉

                                                                                

                                                                                                       ﹝待續﹞