劉以鬯獲頒銅紫荊勳章

崑南

本報訊】文壇教父劉以鬯獲頒銅紫荊勳章，本地文化人為他叫好又叫屈，認為年屆 93歲的劉老師除致力文學創作，作品如《酒徒》被喻為「中國第一部意識流小說」，更重要以副刊編輯身份，培養不少作家，讓本地文壇發亮：「以佢嘅成就，點只淨係攞個銅紫荊勳章？」認為政府一直都輕視文人。

文化人：睇唔過眼

劉以鬯作品都具創作實驗性，連前衞導演王家衛的《 2046》和《花樣年華》，靈感都源自劉早於六十年代的作品《酒徒》及《對倒》。劉以鬯 1946年創辦懷正文化社，兩年後來港曾任職多份報章，隨後任《星島周報》執行編輯及《西點》雜誌主編， 1985年創辦月刊《香港文學》。
作家馬家輝說，劉的作品極具文學價值，但不可忽略其任編輯身份的貢獻，「以前嘅編輯唔係淨係改稿咁簡單」。他說劉會招攬著名作家為自己所編的副刊寫稿，又會給予機會新晉作家，讓本地文壇百花齊放：「我第一篇詩就係喺劉老師編嘅副刊登。」
「勳章只係政府宣傳工具」。文化人彭志銘說政府一直忽略文學發展，獲頒勳章作家不多：「金庸攞大紫荊都係因為佢政治、社會地位。」他說以對文學創作貢獻而論，劉以鬯應更早獲認同，而且「點只淨係攞個銅紫荊勳章？」他說文學作家多具風骨，對獲獎不以為然，「係我旁人睇唔過眼啫」。

劉以鬯先生的「對倒」,
即使放在今天,
仍然很潮。