用户
 找回密碼
 註冊

Login

使用facebook注冊/登錄

  • QQ空間
  • 回覆
  • 收藏

[RICKY角落] 半夜焗住索嘢

字體大小: 正常 放大
RICKY 元老筆手 2014-10-3 11:55:07 灘主

馬上註冊,結交更多好友,享用更多功能,讓你輕鬆玩轉社區。

您需要 登錄 才可以下載或查看,沒有帳號?註冊

x


半夜焗住索嘢
起食催淚彈,
我有個時期晚晚起碼食一次。
六七年暴動,
左仔日日出動,
旺角係首要戰場,
嗰時我屋企就喺旺角通菜街與亞皆老街交界附近,
即今日先達斜對面,
天地書店樓上。
我屋企喺三樓租咗一間騎樓梗房,
碌架床貼住窗口放,
我瞓上格床。
暴動最勁時,
夜晚八點後旺角就戒嚴,
而界乎亞皆老街同快富街之間呢段通菜街,
就係警察同左仔相鋒交接之地,
冇記錯嘅話,
多數係左仔喺快富街一字排開,
個個手執酒樽自製炸彈或水喉通,
而手持藤盾牌嘅差佬就係亞皆老街口亦排成一字,
我頂佢個肺,
晚晚大約三點就埋牙,
差佬面對呢班手執炸彈嘅暴徒,
晚晚都係放催淚彈收尾。
時值熱天,
嗰時邊有冷氣嘆,
梗係開盡個窗瞓,
我每晚正發緊春秋大夢,
就俾刺眼辣肉封喉酸苦嘅濃煙攻醒,
邊咳到嘔邊跳下床衝出房去廁所用濕毛巾捺住塊面,
眼淚鼻涕係咁標。
晚晚咁,
變左例行公式。
不過,
例行還例行,
攻鼻剌痛的辛苦法就唔會因此成為習慣,
次次一樣好辛苦。
不過,
嗰時我屋企「風水好」,
冇得走,
只有焗食。
如果有得走我講你知,
我撚小都走!!
但,
你地唔同,
手上又冇炸彈又冇尖水喉通,
又唔係喺屋企,
隨時可以散但又死都唔散,
監生焗食!!
仲要聽d唔知乜九畜生出嚟講:「而家有冇死到人呀?」
我頂!!
佢講得出佢好撚嘢!!
而對於你地,
我,
真誠衷心向你地鞠躬致敬!!






發新帖
發表評論
您需要登錄後才可以回帖 登錄 | 註冊