馬上註冊，結交更多好友，享用更多功能，讓你輕鬆玩轉社區。
您需要 登錄 才可以下載或查看，沒有帳號？註冊 
x
怪論
發動十萬艘漁船去釣魚台賞月論
喺新聞睇到幾艘中國軍艦同日本海上保安廳巡邏艦喺海上互相對峙
到實一實，日本呢啲行為直情係海盜行為，佢哋霸咗中國嘅地方，依
家又玩一下購島玩意，居士睇到佛都有火啦。估唔到文明世界重
有啲唔講道理嘅強盜國家。
釣魚台係屬於邊個係人都知啦，只有日本強盜國家死唔要面啫。
日本玩拖延後，依家又玩包圍，乜玩包圍呢啲小兒科技倆真係
好好玩咩？
居士忽然想到條橋，日本鍾意玩包圍咩，好！同你玩包圍，趁就快
係中秋節，可以號召全球中國人租船或借船齊齊去釣魚台迎月賞月追月，
全世界集中一齊，啲船起碼有十萬八萬艘。將成個釣魚台列島圍住，同時
圍住日本嘅巡邏艦，我哋大條道理，嚟自己嘅地方迎月賞月追月唔得咩？
你包圍我哋嘅船，依家我哋包番你，吹咩？想我哋走？好難囉，唔單止唔
走，重要喺度搞個海上大笪地，好似舊時石塘咀風情一樣，夜夜笙歌，重
賣埋魚片粥同艇仔粥，目的係搞旺佢 ，想落又係一條財路，又可以帶旺香
港旅遊業。同時又可以搞個釣魚比賽，可以開隻海鮮舫去釣魚台做生意。
講番轉頭，我地圍住成個釣魚台，咪由得嗰啲巡邏艦守住個島囉，係都
唔被你出嚟，分分鐘同你玩十年八載，唔通日本巡邏艦夠膽開槍咩？
居士呢個想法，係瘋狂咗少少，如果真係實現到，有可能啩？
實現唔到，係怪論一篇啫，得啖笑。哈哈！
2012.9.16.
|
