馬上註冊，結交更多好友，享用更多功能，讓你輕鬆玩轉社區。
您需要 登錄 才可以下載或查看，沒有帳號？註冊 
x
本文章最後由 若隱若現居士 於 2013-4-5 10:09 編輯
怪論
口罩狂潮嚟啦 !
新沙士同H7N9兩個世界疫症殺到，據說內地出現搶口罩潮，如果內地冇口罩賣，
唔使講內地人就好似嚟香港搶奶粉咁，香港政府應該預早計劃防止內地人嚟搶
口罩，預料水貨客一定好多，政府係咪又要限制口罩出境? 每人限帶三個口罩，
如果係咁，香港肯定有好多口罩供應畀香港市民啦。
經過2003年沙士一疫後，香港人對口罩嘅觀念完全改變，沙士之前如果你戴口罩
出街，啲人以為你肺癆，冇人敢埋你身，依家戴口罩成為潮流，冇疫症發生，都
有啲人戴口罩出街，話防空氣污染咁喎。口罩商人自然有好多辦法，例如出啲彩色
口罩，有圖案 ，有口號 ，有宣傳作用，相當有綽頭。
香港人乜都講名牌，呢個係商機，出啲名牌口罩，搵劉德華同成龍嚟賣下廣告，可
能200元一個都有人買。 分分鐘炒到一千元個口罩唔奇，於是，口罩又成為收藏家
爭相搶購現象， 保值呀，朋友!
居士又諗到一條新橋，出番啲板藍根味口罩，嘩! 保證成為搶手貨。
咪執輸呀! 香港人。
唔講咁多啦，居士都去搶番個先。 拜拜!
2013.4.5.
.
|
