本帖最後由 sam 於 2011-2-16 22:56 編輯
葉兄叫我黎尼度講下甚麼是哲學,對我黎講,哲學唔係 D 乜野大師智者既遺言,唔係乜乜思想家既金句,哲學係對每個人自己,自己既思想同思想內容,用一種新角度去重新思考認識,我地都習慣左用同一個模式,同一個角度,同一個立場身份位置去認知事情,咁樣做法會搞到自己睇野好片面,好易有偏差,最大鑊就係養成個頭腦懶散,思維模糊,失卻邏輯性,一片混亂。
如果我地習慣從新角度去觀察事情,咁我地好自然就會重新整理以往既觀點,咁樣我地好容易會有新發現,知道我地以前所堅持既觀點,可能唔係咁穩陣,重新思維不單可以訓練我地既思考能力,重組能力,最正既就係讓自己更有能力接受新觀點,唯有咁樣我地先有自我突破既機會。
當我地有清晰既思考能力,我地先有資格講聚焦,有左聚焦既能力,我地先有自己既洞見,尼 D 洞見唔係先前某某大師既洞見,而係切切實實係你自己既洞見,尼種洞見不論對錯,或完唔完整,佢對自己黎講,都係從過往自己精神既深度廣度融匯而成見,係一種自我既形格,佢已經同自己既血液溶為一體,佢會比到自己信心同動力,尼 D 就係我所講既哲學性勒!
你唔好以為黎到尼一步就停落黎,因為一個擁有哲學性既人,佢係會不停重複思維,不停會用新角度、新思維去檢驗自己既系統,如果發覺有 D 乜野可以更新既,佢會毫不考慮咁去更新自己,因為咁樣先可以唔落後於客觀形勢,客觀形勢不斷發展同更新,不論自己之前幾咁完美,都唔可以固步自封架!
作為一個哲思者,最讓人自豪的就是可以係任何惡劣的環境,保持冷靜同理性的頭腦,咁樣係一種好意想唔到既喜悅,佢會比你有一種冷傲既抽離感,正呀! |