有朋友話，學左佛學好耐，越黎越有問題，心理越黎越唔平衡，我話唔係咁大鑊係嘛！佢話唔係就假勒！佛教開宗明義就話世間皆苦，無常皆空，咁即係話做人就係苦架勒！唔理你學乜，諗 D 乜，總之就苦過 De De ，但學學下，佛教又同佢講，學佛可以讓我地離苦得樂，連阿燕記都話，佢學佛以來，覺得越黎越快樂，咁樣好吊詭o者，學佛理應明白苦網纏身，永不出離，佛教一邊講，無常皆苦，同時又否定有常，咁即係苦痛由頭到尾都咁好味啦！點知轉頭又講離苦得樂，大佬呀！尼 D 推論點得出黎架！
尼 D 矛盾都唔好講住，淨係我地諗離苦得樂，尼個諗法，已經係令人好痛苦架勒！離苦係對苦既抗拒同否定，得樂係一種貪圖樂受既欲求，試問咁樣點會得到樂果架！佛教真係越諗越大檸樂呀！
哈哈哈
端陽快樂！幾日唔黎，尼度已經變在靜止既流水，阿姜查講既靜止既流水，係完全表達晒佛陀既原味，但因為佛陀所講既野太深奧，果 D 二打六，無腦白痴既大眾部，R 晒頭，無人明白，結果佢地把心一橫，將外道既觀念引入教，創造左個新佛教出黎，因為班友自卑心作遂，驚死無人認同，就將新佛教稱為大乘佛教，從此佛教就走上不歸之路。
人地阿姜查講既修行方式係好完整既內觀方法，而大乘佛教講既係佢地果套由外面引進番黎既止觀禪定，根本尼兩套野係完全唔同既方式，但果 D 死蠢就唔識扮識話殊途同歸喎！殊佢老未咩！白痴！
睇番阿姜查既生平，會覺得佢好主動，好中意挑戰自己既感官，同佢自己所講既靜止的流水修行方式好有出入，佢條友經常中意面對高危，中意企係生死邊緣，好似佢曾經係一個有老虎同毒蛇出沒既地方修行，隨時受到死亡既威脅，佢就係要體會下係尼種死亡威脅下，內心既恐懼有幾大，因為平時我地所謂既覺知，察覺，根本係好難進入意識既深層次世界，無辦法意識到自己面對死亡既時候，究竟有幾大既恐懼，更遑論去處理佢啦！所以阿姜查要用猛烈 D 方法，直接將自己處身係一個高危既環境，藉此黎面對平時無法面對既心理狀況。
其實由佢既言行，我地可以知道佢既心已經進入甚深既禪定境界，能夠面對任何惡劣既環境，內心都可以處之泰然，保持安穩平靜，但咁樣又講左 D 乜野比我地知呢？佛教成日講萬法唯心，境隨心轉，但事實證明，阿姜查咁有修為，個心已經得到完全既自在，但佢係晚年，身體仍會因病癱瘓，足足十年之久，咁樣話比我地聽，就算你個心幾咁自由，個境都未必會跟你一齊轉架！可能有 D 人中意駁頸，話身體癱瘓唔算無自由丫！
但我只係質疑，點解一個咁有成就既聖者，佢唔係應該有一定既神通既咩？點解佢要示現癱瘓既相呢？黎比後人對佢生起一個懷疑既心呢？
有人問我，阿姜查講靜止既流水，可唔可以用一句講晒，佢究竟係講乜叉野架？我話一句都嫌多啦！
簡單講，佢係講「忍耐既藝術」
咁乜野係忍耐既藝術呀？ D o靚仔界手界到花晒，佢地係唔係好忍耐呀？咁唔怕痛既？D 窮人住籠屋住幾十年，夠晒忍耐啦！D 倒垃圾既清潔工，工作環境臭到淵，佢地一樣當無野，咁都忍耐到，佢地個個都係靜止既流水，唔係四果都三果阿羅漢啦！
好多人都以為忍耐係一種苦行，以為苦行就係忍耐，於是將自己搞到苦過 De De，以為自己既苦行好偉大，其實尼班人懵到上心口，蠢過隻豬，苦行會產生兩種心理效應，一種係對抗性既意志行為，以為意志可以克服一切感官反應，咁樣會搞到自己既「我」性太強，另一種係否定感官既心理，認為一切感受都會令人軟弱，於是拒絕感受，慢慢同感受割裂，以為咁樣就係戰勝感官。
忍耐既藝術唔單止係講忍耐，而係講忍耐既智慧，好多人都以為人係理性既動物，但其實人係一隻感性既動物，人既行動十居其九都係由感受推動同引起既，就好似見到靚野，我地好自然想擁有佢，見到個好憎既人，好自然就想打鑊金既佢，尼 D 反應都係好直接，直接到無空間比我地觀察到，當我地觀察到既時候，都已經事過境遷，無法處理，忍耐既藝術就係要我地係任何時刻，首先生起一個觀察既心，好等我地面對任何感受，都可以直接觀察到感受既過程，知道發生緊乜野事，從而可以知道點樣處理佢。
講到點樣處理感受既方法，佛教提供左佢地既做法，就係觀身不淨，觀受是苦，觀心無常，觀法無我。
又要準備出去食飯，有時間再寫！
