夜跌下來了

詩風

夜跌下來了
夜跌下來了
夜的精靈帶著鐵鎚
把夜敲碎
跌進海裡變成閃閃夜色
各個孤獨怨恨的人
卻被跌下來的碎片
割得片體鱗傷
夜跌下來了
夜跌下來了

舊時王謝堂前燕　飛入尋常百姓家

係呀，小朋友好可愛，像我當年那樣！

初來報到，覺得你們好可愛。
:loveliness:

你講這麼多都是希望得到別人的認同，現在我告訴你，你的詩寫得不錯，期望你出版詩集。

/因執著於死硬既標準, 而失左自己單純感覺, 變左形式主義/

一言即中！

其實，這首詩最好的意象和比喻恰恰是 /夜的精靈帶著鐵鎚/把夜敲碎/，而形容詞亦不見用得差，用得最好的是/敲碎/這動詞。亦因為夜被敲碎才會有海裏的閃閃色色，將海面的光的踤片來帶出夜的碎片，而海面的背景是黑的，就像天空，從我自己來看，我會聯想到海面的光碎片猶如夜空上的月光被敲碎下來，碎在夜的海上。借這意象來抒發作者的感傷。所以，我覺得作者用這比喻營造而出的意象是蠻準確的。

跟本你地睇詩, 係囉住D尺去睇, 將首詩分開一個個層面去睇, 符合種種標準, 就係好詩, 而唔得整體去睇, 因執著於死硬既標準, 而失左自己單純感覺, 變左形式主義, 所以對於在審美方面, 已比一個普通人更差, 就好似古代D人, 覺得三寸金連先係靚一樣. 依種睇詩作詩方法, 依家係文學界好盛, 但我肯定係未來, 必然會認為係一個極大既錯誤, 就好似係魏晉之後既駢文咁, 只係社會由古代黎到現代既時間仍然係短, 文學界D人又古縮, 跟唔上時代既拍子, 既已拋棄陳腐既一套, 又發明唔到一套適用於現代既風格, 所以仲係迷失階段. 文學界之所以咁盛行, 係因為你地各個人要互相認同, 又要取悅上者, 所以就跟住D風格作詩, 羊群效應, 自古有之. 以我就同各文學人扯唔上任何關係, 無須睇你地面色.

我無話我孤獨怨恨, 我係話世界上所有孤獨既人, 你睇唔到個'各'字呀, 定係連個'各'字都唔明咩意思呀, 全世界咁多孤獨怨恨既人, 我點寫得晒佢地既原因, 杜甫寫大疪天下寒士俱歡顏, 唔通又要講埋天下寒士為咩咁寒, 落泊莫問因由呀.

你跟本連個'各'字都唔明, 你都係磨煉下先啦. 唔怕講埋你D人點解走黎插我首詩, 首先你地係無意走黎插, 係我走去插左蔡偉烈同魏鵬展之後, 覺得我太寸, 雖無過犯面目可憎, 就走黎插我, 事先你地都無諗清楚, 插到一半又進退維谷, 被迫繼續插落去, 我勸你地都地及早擺休啦, 唔係盞越出越多洋相.

[ 本帖最後由 詩風 於 2009-7-7 09:23 編輯 ]

好，如果你真的要我仔細的評這一首詩，我會試試。

夜跌下來了
夜跌下來了
夜的精靈帶著鐵鎚
把夜敲碎
跌進海裡變成閃閃夜色
各個孤獨怨恨的人
卻被跌下來的碎片
割得片體鱗傷
夜跌下來了
夜跌下來了

首先，詩大概分兩種吧：寫實的和隱晦的。這一首詩並沒有具體的人和事，所描寫的意象是較抽象的。其實寫實和隱晦並沒有好壞之分，這只是寫作手法而已。寫實的詩易明，但所描寫的情很容易因為陳腔而變得沈悶。隱晦的詩如何作者掌握不好，很容易令作者明而讀者讀不明白。

《夜跌下來了》所用的手法是比較偏重於後者。這首詩的前部分用了很多比喻手法，如：趺下來的夜、夜的精靈、鐵鎚把夜敲碎。以比喻手法的書寫的重點是形容詞是否用得精準。

「夜趺下來」這意象不算新，俗話有「天趺落嚟...」，這是要表達一種壓力和危機的感覺。「夜趺下來了」這一句作為詩的題目和詩首和詩結尾的四句，定必是這一首詩的中心思想。

之後要研究的是詩的中段幾句是否能帶起「夜趺下來了」所表達的感覺。「夜的精靈帶著鐵鎚�把夜敲碎�跌進海裡變成閃閃夜色」這三句是全詩中最抽象的部份。問題是，夜的精靈是指什麼呢？鐵鎚又要比喻什麼？要去了解作者的感受，唯有繼續讀下去，看看作者有沒有留下伏線去讓讀者去作出一個合理的聯想。

之後的三句：「各個孤獨怨恨的人�卻被跌下來的碎片�割得片體鱗傷」中讀者就發現原來這一首詩是要描寫「孤獨怨恨的人」的「片體鱗傷」。孤獨怨恨其實是兩種情感──孤獨和怨恨，孤獨的人並不一定怨恨，怨恨的人並不一定孤獨，這一該，讀者就希望知道孤獨怨恨的因由，可是作者並沒有對此作出交代。

作者只希望讀者知道「孤獨怨恨」之後的感覺是猶如「夜趺下來了」，也寫了四句「夜趺下來了」再四強調。

這一首詩的問題在於感情不能令讀者有回味的感覺，因為這首詩太「個人化」而令其「晦澀」，這首詩只有作者自己才明白箇中的意思和前因後果，作者沒有交代自己為何孤獨怨恨，沒有讓讀者代入作者。四句「夜趺下來了」也未能把詩的情推高去另一層次。

原帖由 不清 於 2009-7-6 22:18 發表
詩風，你想跟我談吧？不過本人已經過了「無知地跟人頂撞」的季節。
有機會再讀你的詩，說說我的感覺吧。就此告別。請請。

到最後你都答唔到果個問題, 真係可惜.

詩風，你想跟我談吧？不過本人已經過了「無知地跟人頂撞」的季節。
有機會再讀你的詩，說說我的感覺吧。就此告別。請請。

原帖由 蔡偉列 於 2009-7-6 22:12 發表
講真，有意欲同你傾的原因係因為不覺得你寫既野係好差，但覺得你想法有問題。

既然你死都不覺有問題，那不談了。就算有咩人唔妥你，就算有咩人唔妥我都好。

跟本我一開始就沒有想過和你談.

講真，有意欲同你傾的原因係因為不覺得你寫既野係好差，但覺得你想法有問題。

既然你死都不覺有問題，那不談了。就算有咩人唔妥你，就算有咩人唔妥我都好。

第二，「入樽既動作」係指寫詩邊方面？「跳高」又係指邊方面？可否直接一點，不要打曲折比喻...

入樽係指寫詩, 跳高係指你寫詩能力既來源. 我既意思, 你如果唔去增加自己寫詩既能力來源, 你寫一百首, 一千首, 一億首, 結果都會係一樣.

第一，如果你唔寫「微不足道既事」，咁你寫咩國家大事都唔會寫《夜跌下來了》。

依個我諗你遲D或者會明, 況且國家大事亦並非唯一不微不足道既事.

第四，「隱晦」、「左遮右掩」、「好」等字眼好「含混」，你說的話就如你所批評的「難明」一樣「難明」。如果客觀討論希望解釋清楚。

依D, 唔該你去查下字典.

[ 本帖最後由 詩風 於 2009-7-6 22:08 編輯 ]

哈哈，我認係一個無自信既人，但我唔係一定要得人認同先安樂。我有跟唔認同我既人做詩友。

反之，你唔接受別人意見，你都係一個極無自信既人，連認都唔敢。

答住你兩題先

第三，你講「無非係用最簡單既方法, 將自己既想講既野」。咁「夜跌下來了」做咩重複五次？點解唔直接寫「月光灑落海面」而要寫成「夜的精靈帶著鐵鎚/把夜敲碎/跌進海裡變成閃閃夜色」？

你係咪引漏左D野呀?

第五，「好多人作詩」想得到名譽, 為左得人認同？你有無例子，有幾多？我還想問，講到底，你覺得詩同其他文體有咩分別？

你就係例子, 你係一個極無自信既人, 唔得人認同你就唔安樂, 如果唔係咁多人唔妥我, 你會向我問咁多問題, 早唔問遲唔問.

[ 本帖最後由 詩風 於 2009-7-6 21:59 編輯 ]

第一，如果你唔寫「微不足道既事」，咁你寫咩國家大事都唔會寫《夜跌下來了》。

第二，「入樽既動作」係指寫詩邊方面？「跳高」又係指邊方面？可否直接一點，不要打曲折比喻...

第三，你講「無非係用最簡單既方法, 將自己既想講既野」。咁「夜跌下來了」做咩重複五次？點解唔直接寫「月光灑落海面」而要寫成「夜的精靈帶著鐵鎚/把夜敲碎/跌進海裡變成閃閃夜色」？

第四，「隱晦」、「左遮右掩」、「好」等字眼好「含混」，你說的話就如你所批評的「難明」一樣「難明」。如果客觀討論希望解釋清楚。

第五，「好多人作詩」想得到名譽, 為左得人認同？你有無例子，有幾多？我還想問，講到底，你覺得詩同其他文體有咩分別？

還望認真思考回答，否則談下去是沒意義的。

原帖由 蔡偉列 於 2009-7-6 20:57 發表
詩風，邊d詩好邊d詩唔好我地唔討論住。寫作受思考影響，就等我們談論下思考。你曾經
建議我寫詩要「腳踏實地, 唔好去做D自己唔識既野」。咁請問你係咪覺得你首《夜跌下來了》寫得好「踏實」呢？你話「唔好去做D自己 ...

你成日想入樽, 猛咁係度做入樽既動作, 但唔練跳高, 你做一百次, 一千次, 一億次既入樽動作, 到你死果日你都入唔到樽. 依D就係我講腳踏實地做事既方法. 依首詩寫得好唔好, 各人有各人見解, 唔同時候睇有唔同見解, 同一人係唔同際遇睇又會有唔同見解. 同一個人係唔同年齡睇又會有唔同見解. 亦都唔介意有人覺得佢係垃圾. 但我始終堅持, 感情唔流於表面, 應流於邊度既問題. 你地D人作詩, 以隱晦, 轉彎抺角為上品, 想講一樣野畀人聽, 又用極難極覆雜既方法黎講, 以前個社會咁清閒, 或者重有人會睇, 但今時今日, 秒秒鐘都幾十萬上落, 你地將一D微不足道既事, 講到曲曲折折, 會睇果個就怪.


詩, 無非係用最簡單既方法, 將自己既想講既野, 講畀睇詩既人知, 而且又要令佢留下深刻印像. 如果詩以隱晦為佳, 咁不如最好既詩就係唔寫出黎既詩, 唔寫出黎就最隱晦, 隱晦到無人知, 何必寫出黎. 你地作詩既人, 一方面想畀人知你諗咩, 一方面又左遮右掩. 如果一首詩係有個好idea, 又何需搞咁多多餘動作, 搞咁多多餘動作, 只係因為你無一個好既idea.


我仲覺得, 好多人作詩, 成日想得到名譽, 為左得人認同, 為左得人讚, 有左依個心, 就永遠寫唔好, 因為你已名慾熏心, 連自己都迷失埋, 仲點會有真感情. 為左得人認同, 得人讚譽, 作D詩就越黎越古怪, 就好似依家D牙刷咁, 又360度, 又尖毛牙刷, 講真, 真係用黎刷牙姐.

[ 本帖最後由 詩風 於 2009-7-6 21:22 編輯 ]

還要多謝紙兵提醒我們。

久違了詩風同學，果然死性不改。再點火要把大笪地燒個通紅的樣子。哈，這一回，蔡先生說得對。你又點答呀？
還有，你有無問不清先生取msn？
如果你喜歡包頂頸，本人也願意同你交換msn.

詩風，邊d詩好邊d詩唔好我地唔討論住。寫作受思考影響，就等我們談論下思考。你曾經
建議我寫詩要「腳踏實地, 唔好去做D自己唔識既野」。咁請問你係咪覺得你首《夜跌下來了》寫得好「踏實」呢？你話「唔好去做D自己唔識既野」，你寫d野你識做？如果係既話，莫非你《夜跌下來了》首詩寫俾聾人聽嫁？點解要違反你 「踏實」的原則去將「夜跌下來了」重複五次？點解唔直接寫「月光灑落海面」而要寫成「夜的精靈帶著鐵鎚/把夜敲碎/跌進海裡變成閃閃夜色」咁鬼取巧？關於「帶著鐵鎚」的「夜的精靈」，你到底係現實世界見過未？你識得精靈朋友？佢帶住個「鐵鎚」？點解「唔識既野」你又要寫？講出黎係想你知道自己講既野係好矛盾，希望在這方面進行反思。

詩有可觀處，有不可觀處。情與詩最少是屬於個人的，貶之為垃圾未免太過，各位宜以詩論詩。

畀人問到口啞就叫人封嘴，洗唔洗話畀先生知呀。

係有料就堂堂正正答問題啦。

詩風弟，你條友得把口，寫d 詩又咁垃圾。唔該唔好係度嘈，無d建設。請版主將佢封住啦，免得影響大家。

咁D感情究竟要流係邊面?