夜跌下來了

詩風

夜跌下來了
夜跌下來了
夜的精靈帶著鐵鎚
把夜敲碎
跌進海裡變成閃閃夜色
各個孤獨怨恨的人
卻被跌下來的碎片
割得片體鱗傷
夜跌下來了
夜跌下來了

原帖由 不清 於 2009-7-5 01:29 發表
這首的問題是，感情流於表面了。

搞笑, 你不如話依個世界既問題, 係個世界留於表面, 唔知你食蘋果會唔會話, 依個蘋果既問題, 係
D甜流於表面. 見到條河又話, 依條河既問題, 係D水流於表面. 依個mon個問題, 係D畫面流於表面.

作詩係表達感情, 思想, 同事物. 我認為, 不將感情等物流於表面, 就係一首壞詩.
唔知你又覺得, D感情唔流於表面, 應流於邊面?

原帖由 不清 於 2009-7-6 10:36 發表
詩風朋友，詩寫得好或不好，你自己心中有數喇，這一首詩有沒有改進的餘地，你自己也心中有數喇，你係唔係包頂頸，你自己也心中有數喇，係唔係流於表面，你自己也心中有數喇！

其實你都同樣幾搞笑！

唔該你唔好以為自己係神

咁D感情究竟要流係邊面?

畀人問到口啞就叫人封嘴，洗唔洗話畀先生知呀。

係有料就堂堂正正答問題啦。

原帖由 蔡偉列 於 2009-7-6 20:57 發表
詩風，邊d詩好邊d詩唔好我地唔討論住。寫作受思考影響，就等我們談論下思考。你曾經
建議我寫詩要「腳踏實地, 唔好去做D自己唔識既野」。咁請問你係咪覺得你首《夜跌下來了》寫得好「踏實」呢？你話「唔好去做D自己 ...

你成日想入樽, 猛咁係度做入樽既動作, 但唔練跳高, 你做一百次, 一千次, 一億次既入樽動作, 到你死果日你都入唔到樽. 依D就係我講腳踏實地做事既方法. 依首詩寫得好唔好, 各人有各人見解, 唔同時候睇有唔同見解, 同一人係唔同際遇睇又會有唔同見解. 同一個人係唔同年齡睇又會有唔同見解. 亦都唔介意有人覺得佢係垃圾. 但我始終堅持, 感情唔流於表面, 應流於邊度既問題. 你地D人作詩, 以隱晦, 轉彎抺角為上品, 想講一樣野畀人聽, 又用極難極覆雜既方法黎講, 以前個社會咁清閒, 或者重有人會睇, 但今時今日, 秒秒鐘都幾十萬上落, 你地將一D微不足道既事, 講到曲曲折折, 會睇果個就怪.


詩, 無非係用最簡單既方法, 將自己既想講既野, 講畀睇詩既人知, 而且又要令佢留下深刻印像. 如果詩以隱晦為佳, 咁不如最好既詩就係唔寫出黎既詩, 唔寫出黎就最隱晦, 隱晦到無人知, 何必寫出黎. 你地作詩既人, 一方面想畀人知你諗咩, 一方面又左遮右掩. 如果一首詩係有個好idea, 又何需搞咁多多餘動作, 搞咁多多餘動作, 只係因為你無一個好既idea.


我仲覺得, 好多人作詩, 成日想得到名譽, 為左得人認同, 為左得人讚, 有左依個心, 就永遠寫唔好, 因為你已名慾熏心, 連自己都迷失埋, 仲點會有真感情. 為左得人認同, 得人讚譽, 作D詩就越黎越古怪, 就好似依家D牙刷咁, 又360度, 又尖毛牙刷, 講真, 真係用黎刷牙姐.

[ 本帖最後由 詩風 於 2009-7-6 21:22 編輯 ]

答住你兩題先

第三，你講「無非係用最簡單既方法, 將自己既想講既野」。咁「夜跌下來了」做咩重複五次？點解唔直接寫「月光灑落海面」而要寫成「夜的精靈帶著鐵鎚/把夜敲碎/跌進海裡變成閃閃夜色」？

你係咪引漏左D野呀?

第五，「好多人作詩」想得到名譽, 為左得人認同？你有無例子，有幾多？我還想問，講到底，你覺得詩同其他文體有咩分別？

你就係例子, 你係一個極無自信既人, 唔得人認同你就唔安樂, 如果唔係咁多人唔妥我, 你會向我問咁多問題, 早唔問遲唔問.

[ 本帖最後由 詩風 於 2009-7-6 21:59 編輯 ]

第二，「入樽既動作」係指寫詩邊方面？「跳高」又係指邊方面？可否直接一點，不要打曲折比喻...

入樽係指寫詩, 跳高係指你寫詩能力既來源. 我既意思, 你如果唔去增加自己寫詩既能力來源, 你寫一百首, 一千首, 一億首, 結果都會係一樣.

第一，如果你唔寫「微不足道既事」，咁你寫咩國家大事都唔會寫《夜跌下來了》。

依個我諗你遲D或者會明, 況且國家大事亦並非唯一不微不足道既事.

第四，「隱晦」、「左遮右掩」、「好」等字眼好「含混」，你說的話就如你所批評的「難明」一樣「難明」。如果客觀討論希望解釋清楚。

依D, 唔該你去查下字典.

[ 本帖最後由 詩風 於 2009-7-6 22:08 編輯 ]

原帖由 蔡偉列 於 2009-7-6 22:12 發表
講真，有意欲同你傾的原因係因為不覺得你寫既野係好差，但覺得你想法有問題。

既然你死都不覺有問題，那不談了。就算有咩人唔妥你，就算有咩人唔妥我都好。

跟本我一開始就沒有想過和你談.

原帖由 不清 於 2009-7-6 22:18 發表
詩風，你想跟我談吧？不過本人已經過了「無知地跟人頂撞」的季節。
有機會再讀你的詩，說說我的感覺吧。就此告別。請請。

到最後你都答唔到果個問題, 真係可惜.

跟本你地睇詩, 係囉住D尺去睇, 將首詩分開一個個層面去睇, 符合種種標準, 就係好詩, 而唔得整體去睇, 因執著於死硬既標準, 而失左自己單純感覺, 變左形式主義, 所以對於在審美方面, 已比一個普通人更差, 就好似古代D人, 覺得三寸金連先係靚一樣. 依種睇詩作詩方法, 依家係文學界好盛, 但我肯定係未來, 必然會認為係一個極大既錯誤, 就好似係魏晉之後既駢文咁, 只係社會由古代黎到現代既時間仍然係短, 文學界D人又古縮, 跟唔上時代既拍子, 既已拋棄陳腐既一套, 又發明唔到一套適用於現代既風格, 所以仲係迷失階段. 文學界之所以咁盛行, 係因為你地各個人要互相認同, 又要取悅上者, 所以就跟住D風格作詩, 羊群效應, 自古有之. 以我就同各文學人扯唔上任何關係, 無須睇你地面色.

我無話我孤獨怨恨, 我係話世界上所有孤獨既人, 你睇唔到個'各'字呀, 定係連個'各'字都唔明咩意思呀, 全世界咁多孤獨怨恨既人, 我點寫得晒佢地既原因, 杜甫寫大疪天下寒士俱歡顏, 唔通又要講埋天下寒士為咩咁寒, 落泊莫問因由呀.

你跟本連個'各'字都唔明, 你都係磨煉下先啦. 唔怕講埋你D人點解走黎插我首詩, 首先你地係無意走黎插, 係我走去插左蔡偉烈同魏鵬展之後, 覺得我太寸, 雖無過犯面目可憎, 就走黎插我, 事先你地都無諗清楚, 插到一半又進退維谷, 被迫繼續插落去, 我勸你地都地及早擺休啦, 唔係盞越出越多洋相.

[ 本帖最後由 詩風 於 2009-7-7 09:23 編輯 ]

舊時王謝堂前燕　飛入尋常百姓家