網絡謾罵?尼個乜野時代,重有人講網絡謾罵,我個人覺得網絡其中一個重要作用,就係佢可以「網絡謾罵」,散播一 D 對方唔想見到既文字,係傳統既文字刊物世界,你想傳達一個「自由」既訊息,真係成本貴到阿媽都唔認得架
!我地成日聽到「傳媒就是力量」,而家既傳媒已經歸晒邊,公器私用,已經無晒公信力,一 D 淨係識扇情,誨淫誨盜,另一D 淨係識擦鞋吹捧,扭曲民意,廢 up 到無輪,大佬呀!尼 D 就係而家既所謂傳統媒體呀!如果你要我揀,我寧願要而家網上未經「河蟹」既暢所欲言,同果 D 洋洋千字既糖衣毒藥比,謾罵好過佢 n 咁多倍啦。
但如果我地諗網上寫作係完全自由,無任何監察既,咁你又未免有 D 天真勒!而家邊一個討論區無版主,無貼文守則架?邊一個 Blog 係無監察架?你寫 D 野係個 Blog 比人投訴兩次,就會接驚告信,再黎就封鎖發言架喇!討論區就更加唔使講啦!兩野就比人鎖 IP 啦!所以你地話網上無王管,係完全誤解囉!
尤其是關於宗教同政治既論題,就更加監控得厲害,我本人就係一個好明顯既倒子,經不常都因為過於直言,就比人要拉要鎖架啦!今日走黎尼度,都係為左避一避風頭,你話丫!網絡謾罵?唔係咁容易架!