在這裡,什麼才是道家所指的「真價值」呢?
是否當你想通過行善得到「真價值」時,就會失去「真價值」呢? ...
sam 發表於 2011-1-29 01:13
個人覺得,道家所指的「真價值」,其實就是指「真正狀態」,就好似我地話水,佢既狀態係向下流動既,冰既狀態係又冷又硬既,水蒸氣既狀態係又輕又軟既。道家就係主張當我地處於一個點樣的狀態,就如實咁顯現自己,唔好似儒家所講既,先預設左狀態係又輕又軟,然後不論自己處於冰或水既狀態,都要將自己顯示出又輕又軟,咁樣搞法,係道家既眼中,就係虛偽,做作,違反真正既狀態,咁樣會令自己感到混亂同有壓力,但咁樣又可能有人話,道家咁講咩即係於任囉!無約束囉!咁咩世界大亂?其實大家唔使擔心,無咁大鑊既,道家認為,我地都搞錯晒,我地以為改變行為,就可以改變狀態,其實掉番轉,我地只要改變內在既狀態,行為就會好自然咁流露出黎,唔需要去學習 D 乜野大道理,客觀既規範會搞到自己同內在割裂,最終只會做成虛偽同痛苦。